ચાલને મા આપણે ચાલીયે
“ચાલને મા આપણે ચાલીયે” -
રચના ઉપાધ્યાય કમરાટા…July 2008.
ચાલને મા આપણે ચાલીયે.
હળવા હળવા પડતા ફોરામાં;
અડધા પડધા ભીંજાતા,
તપતી ધરતીની ઉઠતી ફોરમમાં
ને, જમીનના આ તારાઓમાં
રંગબેરંગી સુવાસ ભાળતા, ચાલને મા આપણે ચાલીયે.
વર્ષારાનીની ઝીણી ઝાંઝરીમાં,
મેધ-અશ્વોની હણહણાટી સાંભળતા,
વીજળીની ઝબુકતી રોશનીમાં; આ સ્રુષ્ટીના,
થોડા મીત્રોની પહેચાન તુ સમજાવે,
થોડી ઓળખાણો હું કરાવું;
વિકસતા સંબંધોનાં ઝુંડમાં ચાલને મા આપણે ચાલીયે.
આ કાળાશભર્યા રસ્તઓમાં,
ને જંગલના છાંયડાની લીલાશમાં,
આ જીન્દગીને માણવા જીરવવા,
ભુતકાળની વાર્તાઓ તુ સુણાવે,
ભવીષ્યની શક્યતાઓ હું જણાવું,
વર્તમાનને જીવતા જીવતા ચાલને મા આપણે ચાલીયે…
Did you enjoy this post? Why not leave a comment below and continue the conversation, or subscribe to my feed and get articles like this delivered automatically to your feed reader.
Comments
થોડા મીત્રોની પહેચાન તુ સમજાવે,
થોડી ઓળખાણો હું કરાવું;
વિકસતા સંબંધોનાં ઝુંડમાં ચાલને મા આપણે ચાલીયે.
ફાઈન !! ભાવાભીવ્યક્તી સરસ છે.
Sambadhno na Zund ma,
Bhutkal ni Vartaao,
Bhavisya ni Shakytaao
Vartaman ma Chhal ne Ma Ape Chhaliae!!!
KHUBAJ SUNDAR Bhav Bhari Kavya Rachana Mani.
સરસ મજાનુ હ્રદયસ્પર્શી ભાવગીત, બહુ જ સરળ શબ્દોમાં જીવન વીશેનો નવો અભીગમ આપી જાય છે.