એ કોણ?
એ કોણ? - ચીરાગ પટેલ એપ્રીલ 12, 2009
મારી આંખોનાં મોતી સાચવે એ કોણ?
મારી યાદોનાં તોરણ બાન્ધે એ કોણ?
જાતે બળી મારી જીન્દગી અજવાળે એ કોણ?
જાતે થીજી મારે હૈયે ટાઢક લાવે એ કોણ?
પ્રેમની ક્યારીમાં ગુલાબ ખીલવે એ કોણ?
પ્રેમનાં છોડને અમૃત સીંચે એ કોણ?
જીવનના માર્ગે ગાલીચો બીછાવે એ કોણ?
જીવનની ગાન્ડીતુર નદીને બાન્ધે એ કોણ?
સમન્દરની છોળે અલ્લડ હીલોળા લે એ કોણ?
આસમાને ઈન્દ્રધનુષી રન્ગ વીખેરે એ કોણ?
હુંફના તાપણે અસ્તીત્વની કેરી પકવે એ કોણ?
દુનીયાના તાપને રક્ષક બની ઝીલે એ કોણ?
મારા આયખે લાગણીની રન્ગોળી પુરે એ કોણ?
મારું અડધું હ્રુદીયું પ્રીયે, તુ જ તો છે ‘એ કોણ’!
—————————–
(આજે પારુલને જન્મદીને અર્પણ)
Did you enjoy this post? Why not leave a comment below and continue the conversation, or subscribe to my feed and get articles like this delivered automatically to your feed reader.
Comments
ચી. પારુલને અમારી શુભાષીશ…
તમે બન્ને ભેળાં, ઈચ્છીત સર્વ શીખરો સર કરી, સઘળા આનંદ પામો અને જે છે,
જે કંઈ પામો, તેનાથી સંતુષ્ટ–પ્રસન્ન રહો…એ જ શુભેચ્છા આજના દીને..
તમારી કવીતા બહુ જ ગમી..!
સુન્દરમે ‘કોણ?’ પશ્નના શીર્ષકવાળી એક રચના કરેલી.. જવાબમાં ભગવાન કે કુદરત એવો જવાબ મળતો..
હા, કુદરત કુદરતનું કામ કરે જ છે; પણ માનવજીવનને જીવવા જેવું બનાવે છે આપણ સૌનું અર્ધાંગ…
તમ બન્ને ને મુબારક..ઉ.મ..
aaaho!
Hu koe kavita lakhi shakto nathi karan ke mane shabdo malta nathi…je male chhe a tamara mate mane purta nathi lagta. tame banne mara mate a shabdo na bhav thi pan vishesh chho.
Ishwar tamne tranev ne Sukhi rakhe. Aam j banne vachhe prem haryo-bharyo rahe, avi shubh-kamna o.
Digant-Shital
પ્રેમની ક્યારીમાં ગુલાબ ખીલવે એ કોણ?
પ્રેમનાં છોડને અમૃત સીંચે એ કોણ?
અદભુદ! ગુલાબ અને પ્રેમનો છોડ…સુંદર રજુઆત ! આનંદ આવી ગયો.
હું કંઈક લખું ?
હું તારી પુજા કરું છું કે મારી ? તું તો અનંત ચૈતન્યનો પ્રવાહ છે…ચાલને માનીં લઊં કે દિપકમાં ઘી મેં પુર્યું છે. અરે ! તેને પ્રજ્વલિત પણ મેં જ કર્યો…પરંતુ તે પ્રકાશિત કોનાથી થયો ? આ પ્રકાશ બનીંને રેલાઈ રહ્યું છે તે કોણ ? અને છતાં મને કહે છે કે હું તારી આરતિ ઊતારું છું ! કોણ કોનીં આરતિ ઊતારે છે તે તો કહે ?
પારુલને આશીષ.