મોક્ષ – ચિરાગ પટેલ – મે, 1993

મોક્ષ

શાને જોઇએ તને એ મોક્ષ,
જ્યારેહાજર છે અનેક મોક્ષ અહીં;
નાનાં ભૂલકાં સમું નિર્દોષ
હાસ્ય ન પામું તો નથી ખપતો એ મોક્ષ.
મનોહારિણી સંગ પ્રેમતણાં સાગરમાંડૂબકી ન પામું,
તો નથી ખપતો એ મોક્ષ.
પયોધારિણી તણાં પનઘટમાં
ત્રુપ્તિન પામું તો નથી ખપતો એ મોક્ષ.
સ્રુષ્ટિમાં વિચરતાંપંખીડાં સમસ્વૈરવિહાર
ન પામું તો નથી ખપતો એ મોક્ષ.
વન્દેમાતરમ તણો ગગનનાદ ગજવતો
શહિદી ન પામું, તો નથી ખપતો એ મોક્ષ.
દરિદ્રનારાયણ તણાં આશીર્વાદ
ન પામુંતો નથી ખપતો એ મોક્ષ.
સ્વજનોનાં હ્રુદીયામાં ઉમંગ અને હરખ
ન પામું, તો નથી ખપતો એ મોક્ષ.
અરે, પ્રભુને પણ મુક્તિ નથી તો
શાને જોઇએ મોક્ષ તને?

– ચિરાગ પટેલ – મે, 1993

Print Friendly, PDF & Email

Leave a Reply

Your email address will not be published. Required fields are marked *