સંસર્ગ

સંસર્ગ – ચિરાગ પટેલ ઑગસ્ટ 31, 2010

ઘટા ઘનઘોર ઘેરાતી આ કાળી ભમ્મર કેશગુચ્છે,
નિરભ્ર જ્યોતિ પ્રગટતી આ તીવ્ર નયનકટાક્ષે,
કમળની કુમાશ ખીલતી આ નાજુક ઓષ્ઠે,
રેશમી ભીનાશ નીતરતી આ અર્ધખુલ્લા સ્તનયુગ્મે,
સુવર્ણરજયુક્ત પારીજાત ડોલતું આ ત્વચારોમમાં,
હંસલીની ડોક મલપતી આ કમર વળાંકોમાં,
પર્વતોથી ઘેરાયેલી ખીણ ભાસતી આ નાભિગુફામાં,
આચ્છાદિત તાડફળી ઉગતી આ પુષ્ટ નીતમ્બોમાં,
ગુલાબની પંખુડીઓ ફરફરતી આ રક્તિમ ચરણોમાં,
સુગંધી ક્રીડા કરતી સ્વેચ્છાએ આ દેહયષ્ટીમાં,
પ્રકાશ પરમનો અજવાશતો આ આતમગોખમાં,
પ્રિયે, ઉડતો રહું ચોફેર કલ્પનાના આ સંસર્ગમાં