ઘોડો બનાવતાં પહેલાં આ મોડલ બનાવ્યૂ હતું. દીકરીના દીકરાને બતાવતાં તેણે કહ્યું ,” આ તો ઊંટ જેવું લાગે છે.” માટે એની ડોકને થોડોક વળાંક આપ્યો હતો; અને કાંઈક ઘોડા જેવું મોડલ બન્યું!

પણ પછી વિચારે ચઢી ગયો કે, આ ઊંટ અને ઘોડાની વચ્ચેના પ્રાણીને શું કહેવાય?

અને તરત પેરૂ દેશની તાજેતરમાં વાંચેલી વિગત યાદ આવી ગઈ. અરે! આ તો અલ્પાકા બન્યું છે.

જોઈ લો આ અલ્પાકાને …

ઓરીગામી - અલ્પાકા

ઘણા વખત પછી કોમ્પ્યુટર પર મળતી આ રમત રમવાનો લ્હાવો લીધો. દરેક રમતની જેમ આ પણ ચાન્સની રમત તો છે જ. પણ રમવામાં ઠીક ઠીક કૌશલ્ય માંગી લે છે. ( સ્કીલ વધારે નેચરલ લાગશે, નહીં? ! )

પણ અહીં એનો ઉલ્લેખ એક ખાસ શક્યતા ઊભી થવાના કારણે સર્જાયો.

આજે એક રમત રમ્યો. બધાં માઈન શોધી કાઢ્યા, પણ કોમ્પ્યુટર દાદાએ આ દાદાને અભિનંદન ન આપ્યા!

કારણ ?

એક વધારે માઈન શોધી હતી. એટલે કે, એક ખાનાંને ખોટી રીતે માઈન ગણ્યું હતું.

એક માઈન વધારે!

હવે ખરી આપદા શરૂ થઈ. કઈ માઈન ખોટી ?

અને ઘણી લમણાંઝીક બાદ, એ ગોતી કાઢી, અને જંગ જીતાણો !!

હવે બરાબર!

અને દાદાએ દાદાને અભિનંદન આપ્યા!

અગાઉ આ પ્લેન બનાવ્યું હતુ.

બે દિવસ પર બાળકોને લઈને સ્વિમીંગ પુલ ગયો હતો; ત્યારે સમય પસાર કરવા એ બનાવવા વિચાર્યું. પણ ફોલ્ડ કરતાં અડધે પહોંચ્યો ; અને થોડોક ફેરફાર જરવાનું સૂઝ્યું. અને આ નવી ડિઝાઈનનું પ્લેન બની ગયું.

પાતળું પ્લેન

જયના પ્રોજેક્ટ માટે ‘ બર્મ્યુડા ત્રિકોણ’માં ગુમ થઈ ગયેલું મિલિટરી પ્લેન બનાવવાનું હતુ. સાવ પૂંઠાકામથી આ બનાવવા બેસું તો બહુ જ સમય જાય.

આથી વિચાર આવ્યો કે, અગાઉ શુદ્ધ ઓરિગામીની પદ્ધતિમાં એરોપ્લેન બનાવ્યું જ  હતુ. ( એ જોવા અહીં ‘ક્લિક’ કરો) તો એવું પ્લેન બનાવી એની ઉપર જ વધારાના શણગાર ચીપકાવી દઉં તો કેવું? પૂંછડી માટે અને કોકપીટ આગળના ભાગને થોડોક મઠારવાથી આમ બહુ સરલતાથી થઈ શકે તેમ હતું.

આથી સર્જાયું મારું પહેલું હાઈબ્રીડ મોડલ-

મિલિટરી પ્લેન

ઊંટ, રીંછ અને શાહમૃગમાંથી નવો અવતાર…

ખિસકોલી

ગઈકાલે રીંછ બનાવ્યું હતું. એમાં માત્ર થોડાક જ ફેરફાર કર્યા અને બની ગયું … શાહમૃગ!

જોઈ લો …

શાહમૃગ - ઓરિગામી ઊંટનો નવો અવતાર

૭૦% સ્ટેપ ઊંટ બનાવવાના, થોડોક જ બદલાવ અને રીંછ બની ગયું.

પહેલાં એનું પૂંછડું આમ લાંબું હતું-

લાંબા પુંછડાવાળું - પ્રિહિસ્ટોરિક રીંછ

પછી કાતર ચલાવીને એને સાઈઝમાં કાતરી દીધું!  -

ટુંકા પુંછડાવાળું રીંછ

ડલાસ ફોર્ટવર્થ મેટ્રોપ્લેક્સમાં દાદા ભગવાનના ઉપદેશો અને તેમના અક્રમ વિજ્ઞાનમાં વિશ્વાસ ધરાવતી વ્યક્તિઓનું એક ગ્રુપ છે- નામે ‘ડલાસ મહાત્મા’. આ ગ્રુપની એક પિકનિક શનિવાર તારીખ ૩૦ એપ્રિલના રોજ યોજાઈ હતી. આ પિકનિકની પ્રવૃત્તિઓમાં ઓરિગામિ વિશે  જાણકારી આપવાનું મને ઈજન મળ્યું હતું.

આ કાર્યક્રમ માટે મે ઓરિગામિ મોડલોનું એક ડિસ્પ્લે બોર્ડ બનાવ્યું હતુ. એની અને કાર્યક્રમની ઝલક  …..

ડિસ્પ્લે બોર્ડ

ડિસ્પ્લે બોર્ડ - ડા્બું ફલક

ડિસ્પ્લે બોર્ડ - વચલું ફલક

ડિસ્પ્લે બોર્ડ - જમણું ફલક

ડિસ્પ્લે બોર્ડ્ને પવન સામે આધાર આપતા સ્વયંસેવકો

-

શીખવામાં વ્યસ્ત બાળકો અને વાલીઓ

-

મોડલો સમજાવતાં

બાળકોએ અને વાલીઓએ બહુ ઉત્સાહથી આ વર્કશોપમાં ભાગ લીધો હતો; અને જાતે મોડલો બનાવવાની મજા માણી હતી. મારું કામ પત્યા બાદ ગ્રુપના સંચાલક નરેન્દ્રભાઈએ પણ ઉત્સાહમાં આવી જઈને કાન ફડફડાવી શકે તેવું સસલૂં માત્ર ૩૦ સેકન્ડમાં જ બનાવતાં શિખવાડ્યું હતું.

આ તક મને આપવા માટે સમગ્ર ગ્રુપ અને ખાસ તો તેના સંચાલક શ્રી. નરેન્દ્ર તારપરા , શ્રીમતિ ત્રિવેણી તારપરા અને આ પિકનિકનું સંચાલન કરનાર યુવાન મિત્રો શ્રી. દક્ષેશ આચાર્ય અને શ્રી. શ્રીપાલ બગડિયાનો  હું આભારી છું.

મારા દિકરા જેવો બની ગયેલો કેરો વાસી જનાબ મુર્તુઝાઅલી પટેલ નેટ વેપારી છે. પણ મને ગમી ગયેલો, સર્જનાત્મક અને કલ્પનશીલ પ્રતિભા ધરાવતો , મારા જ ગામ અમદાવાદનો, ઉત્સાહથી તરવરતો નવયુવાન છે. એના બ્લોગ પર સાવ નવા બૉલ ( બોલ નહીં!) નું વર્ણન વાંચી, સ્વભાવે બાળક એવા આ ૬૮ વરસના ડોસાજીએ બાયોલોજિકલ દિકરા ઉમંગ પાસે એ રમકડું લાવી દેવાની હઠ પકડી; અને ત્રણેક અઠવાડિયામાં એ રમકડું ટપાલ દ્વારા મળી પણ ગયું.

અન ડોસાજી તો રમવા લાગી ગયા.

જોઈ લો આ શરૂઆતના મોડલો -

મારા જેવું મોડલ

હાર - કોના માટે ?

હારનું રૂપાંતર

નવા બૉલનો ઢગલો

જ્યાંથી આ બૉલની ભાળ મળી તે મુર્તુઝાનો લેખ

નીયો બૉલની વેબ સાઈટ

ગુજરાતી બ્લોગ જગત શેરથી ચારે બાજુ ગાજી ઊઠ્યું છે; ત્યારે આ શેરની રચનાને પણ માણી લો.

જો કે, ગુજરાતીમાં તો આપણે એને વાઘ તરીકે જ ઓળખીએ છીએ.

ઓરીગામી - વાઘ

બે ચોરસ કાગળમાંથી બનતું આ મોડલ તમને ગમ્યું?

વાઘનું મોં સુધારવાના/ મઠારવાના પ્રયત્નો ચાલુ છે!

વાઈકિન્ગ હોડી બનાવ્યા બાદ ગઈકાલે એના મૂળ આકારને કાટખૂણે બદલી નાંખતાં, હોડી બનવવાની કળામાં એક નવું જ પરિમાણ ઉમેરાયું.

વાઈકિંગ હોડી કરતાં સાવ નવો જ આકાર- ચપટો, મધ્યકાલીન યુગના ચીની વહાણ જેવો.

આથી એને નામ આપ્યું ‘ ચીની હોડી’. એ જાણીને આશ્ચર્ય થશે કે, કોલમ્બસથી ૨૦૦ વર્ષ પહેલાં એક ચીની મુસાફરે કોલમ્બસ કરતાં ઘણાં મોટાં અને ઘણી મોટી સંખ્યામાં ચીની કાફલાને દોર્યો હતો, અને ઘણી મોટી મુસાફરીઓ કરી હતી. તે કદાચ ઓસ્ટ્ર્લિયા / અમેરિકન ખંડોના કાંઠાઓ સુધી પણ પહોંચી ગયો હતો.

ચીની જન્ક વિશે વધારે જાણો.

અને પછી તો આ નવા આકારના આધારે ઘણાં બધાં મોડલો બનાવી શક્યો.

જુનીપર - ઓક્ટોબર

જુનીપરની ડાળીમાંથી કુંડામાં રોપેલી કલમ. રોપેલી બધી ડાળીઓ ફૂટી નિકળી હતી. અહીં એક જ કુંડામાં ત્રણ બોન્સાઈનો પ્રયોગ કરવો છે.

પુંઠાકામની કારીગિરી

નવરા માણસના ચાળા - જૂના ટાયરોમાંથી

વેસ્ટમાંથી બેસ્ટ