ભારતનું રાષ્ટ્રીય પક્ષી

પાંખ પસારેલો દેખાવ

પાંખ સમેટેલો દેખાવ

મુળ ભારતીય હોવાના સબબે આ મારું બહુ જ પ્રીય મોડલ છે.બનાવવામાં થોડું મુશ્કેલ આ મોડલ, બે ચોરસ જેટલા લાંબા લંબચોરસ કાગળમાંથી બનાવી શકાય છે.

અમારા જયને હેલ્મેટ બનાવવાનો શોખ થયો; અને બનાવી દીધી. એક નહીં પણ બે ! પહેલી થોડી મોટી બની - મારા માપની. પછી બીજી એના માપની બનાવી આપી. બન્ને હેલ્મેટ - પહેરનાર સાથે ….

કાળી હેલ્મેટ

કાળી હેલ્મેટધારી - સુરેશ જાની

લાલ હેલ્મેટ

લાલ હેલ્મેટધારી - જય જાની

ક,ખ ને ગ એક રસ્તા પર આવેલાં ત્રણ શહેર છે. ક અને ખ વચ્ચે જેટલું અંતર છે, તેટલું જ અંતર ખ અને ગ વચ્ચે છે. તમે ક થી ખ વચ્ચેનું અંતર કલાકના 50 માઈલની ઝડપે કાપો છો.

ખ થી ગ વચ્ચેનું અંતર તમારે કેટલી ઝડપથી કાપવું જોઈએ; જેથી

આખી મુસાફરીની સરેરાશ ઝડપ કલાકના 100 માઈલ થાય?

આ મને બહુ જ ગમતી અને  માનીતી હોબી છે. આવી ડિઝાઈનો  હું ઘણા વખતથી  બનાવું છું.

કાગળને ત્રિકોણાકારે, આઠ પડ  થાય તેમ વાળી; કાતર વડે કાપીને આ ડિઝાઈન બનાવી છે.

ત્રિકોણાકારે આઠ પડમાં વાળેલો કાગળ

કાગળ કતરણ

આ સોલ્ટર જેવી રમત છે. પણ ઘણા બધા વૈવિધ્યવાળી છે.

[ વેબ સાઈટ ]

બહારથી તે આવી દેખાય છે.

સબટ્રેક્સ - બહારથી

એનો ઘેરો વાદળી છેડો ખોલતાં, તેની અંદર નીચે મુજબ ખાનાં હોય છે.

સબટ્રેક્સ - અંદરનાં ખાનાં

કુંકરીઓના ખાનામાં 14 વાદળી અને એક નારંગી રંગની , એમ કુલ 15 કુંકરીઓ હોય છે. કાર્ડના ખાનામાં  કોયડાઓના 40 કાર્ડ હોય છે. તેમાં દર્શાવ્યા પ્રમાણે અલગ અલગ રીતે, કુંકરીઓને બોર્ડની ઉપર આપેલાં કાણાંઓમાં ગોઠવાવાની હોય છે.

જુઓ, પહેલા કોયડામાં નીચે મુજબ કુંકરીઓ ગોઠવવાની છે.

સબટ્રેક્સ - કોયડો : 1

રમત રમવાની શરતો નીચે મુજબ છે.

• કોઈ પણ કુંકરીને બીજી કુંકરી ઉપરથી પાર કરીને, તેની બીજી બાજુ મૂકવાની હોય છે.
• આમ કરતાં જે કુંકરી કુદાવી હોય તે રમતમાંથી દૂર કરવાની હોય છે.
• બોર્ડ પર બતાવી હોય તે જ દીશામાં કુંકરી કુદાવી શકાય છે.
• સૌથી છેલ્લે માત્ર નારંગી રંગની કુંકરી જ બાકી રહેવી જોઈએ.

આ કોયડાનો ઉકેલ આવતીકાલે ….

અને એક બીજી અગત્યની વાત….

આ કોયડો રમવા કે ઉકેલવા માટે જરુરી નથી કે, તમારી પાસે ઉપર બતાવેલો સેટ હોવો જ જોઈએ. સાદા કાગળ પર નીચેની આકૃતિ દોરી; એને પુંઠા પર ચિપકાવી તમારું બોર્ડ તમે જાતે પણ બનાવી શકો છો; અને કોઈ પણ કુંકરી વાપરી શકો છો. માત્ર એક કુંકરી અલગ રંગની હોવી જોઈએ.

સબટ્રેક્સ - જાતે બનાવેલું બોર્ડ

સાત બાજુ વાળી ટાંકી -1

સાત બાજુ વાળી ટાંકી - 2

રોકેટ બનાવ્યા પછી, ‘ એની ત્રણ બાજુઓના સ્થાને વધારે બાજુઓ રાખી હોય તો  કેવું? ‘ એમ વિચારતાં આ સાત બાજુ વાળી ટાંકી બની ગઈ.

રોકેટ-1

જેટ પ્લેનની નવી ડીઝાઈન બનાવતાં આ રોકેટ બની ગયું.

થોડા દિવસ પહેલાં ચોપડી વાંચતો બેઠો હતો. કશાક કામ માટે ઉભા થવાનું થયું. હાજરમાં કોઈ બુકમાર્ક ન હતો. એટલે બાજુમાં પડેલા કાગળને એ માટે વાપર્યો. થોડી વારે પાછો આવ્યો, અને ચોપડીને બદલે એ કાગળ પર નજર ઠરી. સરસ જાડો ઈન્ડેક્સ પેપર હતો. મારી આદત પ્રમાણે એને થોડોક વાળી ઘાટ આપ્યો.

સાંજે દીકરીનો દીકરો સમર કોલેજમાંથી આવ્યો. એને એ આકાર ગમી ગયો અને મારી પાસેથી પડાવી લીધો! સરસ મજાના કલર કર્યા. એને નાનકડું રમવાનું જેટ પ્લેન મળી ગયું હતું. શનિવારે એના બે બાળમિત્રો અમારા ઘેર એની સાથે રમવા આવ્યા. એમને પણ એ પ્લેન ગમી ગયું અને મારી પાસે બીજા બનાવી આપવાની ઉઘરાણી કરી.

અને પછી તો પ્લેન બનાવવાની ફેક્ટરી જ ચાલુ થઈ ગઈ!

લો એ બધી ડીઝાઈનો માણો .