ઘોડો બનાવ્યો , તે પહેલાં આમ તો ઝીબ્રા માટેની રીત મળી હતી. એ ચોપડીમાં આગળ જોતાં ‘મગર’ બનાવવાની રીત પણ મળી આવી.

આજે એની ઉપર હાથ અજમાવ્યો અને જોઈ લો આ ભયાનક મગર…

ઓરીગામી - મગર

આ બધાં મોડલ - ઝીબ્રા, અલ્પાકા, ઘોડો અને મગર બનાવવા બે ચોરસ કાગળ જોઈએ છે.

વલીભાઈની સાથે પાટણ ગયો હતો; ત્યારે તેમના ભત્રીજા અને આંખોના સ્પેશિયાલિસ્ટ ડોક્ટર અનીસ મુસા પાસે આંખો તપાસાવી હતી - અલબત્ત મફતમાં જ!  અને સાથે બોનસમાં સરસ મઝાના, એક્સ-રે ફિલ્મના રક્ષણ માટે સાથે આવતા, પીળા રંગના, ખાનદાન કાગળોનું બંડલ પણ સાવ મફતમાં મેળવી લીધું હતું!

કેવો પાક્કો અમદાવાદી?

જો કે, અહીં ડો. અનિસ મુસાની ખાનદાનિયત કે, મફતના મહિમા કરતાં - અથવા આ અમાદાવાદી જણની ફિલમ ઉતારવા કરતાં, એ કાગળની ખાનદાની ફોકસમાં છે. (કેન્દ્ર સ્થાને?)

એમ કેમ?

હું ઓરીગામીનું કોઈ નવું મોડલ બનાવું;  તે્નો ત્રણ ચાર વખત મહાવરો સાદા કાગળ વાપરીને કરું; પછી આ ખાનદાન કાગળમાંથી મોડલ બનાવું - કેમેરામાં ઝડપવા અને અહીં મૂકવા. એના ફોલ્ડે, ફોલ્ડે ડો.અનીસ મુસા અને એમના આખા ખાનદાનને અંતરના આશિષ આપમેળે દિલમાંથી સરતા રહે છે. એ કાગળની કુમાશ અને છતાં કડકપણું ઓરીગામી માટે એકદમ શ્રેષ્ઠ હોય છે. ને પીળો રંગ હોવાના કારણે કેમેરામાં ઝડપાતું ચિત્ર પણ ઉમદા ઉપસી આવે છે.

કેટલાય સમયથી ઓરીગામીનો ઘોડો બનાવવા મન હતું; પણ કોઈ રીત મળતી ન હતી. આખરે હમણાં જૂના કાગળો ફંફોસતાં ઝીબ્રા બનાવવાની રીત મળી આવી. ઝીબ્રા તો ખાસ આકર્ષક ન બન્યું; પણ એ જ ખાનદાનનો ઘોડો બનાવવા સૂઝ્યું. થોડાક જ ફેરફાર અને સરસ મઝાનો ઘોડો ઊભરી આવ્યો.

લો બન્ને મોડલ હાજર છે.

ઓરીગામી ઝીબ્રા

ઓરીગામી ઘોડો

કાશ્મીરની શિકારા હોડી - વાઈકિંગ હોડીમાંથી રૂપાંતર…

પેન્ગ્વીન બનાવતો હતો , અને એમ લાગ્યું કે, એના ફોલ્ડમાં થોડોક ફેર કરવાથી પ્લેન બની જાય. થોડાક જ ફેરફાર કર્યા, અને લો! બે જુદી જુદી ડિઝાઈનના પ્લેન બની ગયા.

એક નાનકડો ફેરફાર અને વાઈકિંગ હોડીમાં બંધ કેબિન બની ગઈ.

બંધ કેબિનવાળી વાઈકિંગ હોડી

લંબચોરસ કાગળમાંથી મોર બનાવવાની સરૂઆત કરી; અને કંટાળો આવ્યો.

અડધા રસ્તે નવા ફોલ્ડ કર્યા અને બની ગઈ ક્રૂઝર!

મોર બનાવતાં વહાણ બની ગયું!

ચોરસ કાગળમાંથી રચના - મૂળ બેઝ , વોટર બોમ્બ બેઝ ….

ઓરીગામી મંદિર -૧

ઓરીગામી મંદિર -૨

અગાઉ આ પ્લેન બનાવ્યું હતુ.

બે દિવસ પર બાળકોને લઈને સ્વિમીંગ પુલ ગયો હતો; ત્યારે સમય પસાર કરવા એ બનાવવા વિચાર્યું. પણ ફોલ્ડ કરતાં અડધે પહોંચ્યો ; અને થોડોક ફેરફાર જરવાનું સૂઝ્યું. અને આ નવી ડિઝાઈનનું પ્લેન બની ગયું.

પાતળું પ્લેન

ઊંટ, રીંછ અને શાહમૃગમાંથી નવો અવતાર…

ખિસકોલી

જે ચોપડીમાંથી ‘ મોર’ બનાવતાં શિખ્યો હતો; તે ઘણા વખતે ખોલી; અને હાથી બનાવતાં શિખ્યો.

પહેલાં મોર જોવા અહીં ‘ક્લિક’ કરો

અને આ રહ્યો હાથી ….

ગઈકાલે રીંછ બનાવ્યું હતું. એમાં માત્ર થોડાક જ ફેરફાર કર્યા અને બની ગયું … શાહમૃગ!

જોઈ લો …

શાહમૃગ - ઓરિગામી ઊંટનો નવો અવતાર

૭૦% સ્ટેપ ઊંટ બનાવવાના, થોડોક જ બદલાવ અને રીંછ બની ગયું.

પહેલાં એનું પૂંછડું આમ લાંબું હતું-

લાંબા પુંછડાવાળું - પ્રિહિસ્ટોરિક રીંછ

પછી કાતર ચલાવીને એને સાઈઝમાં કાતરી દીધું!  -

ટુંકા પુંછડાવાળું રીંછ