કાગળની હોડી - 9 : ઓરીગામી

ચાલો બાળગીત સાથે માણીએ
હોડી હંકાર, તારી હોડી હંકાર
ઉંડા ઉંડા જલે તારી હોડી હંકાર!

મારે ઉછાળા વેગે તરંગો,
નાચે અમારાં આનંદે અંગો;
હલેસાને માર જરી રાખી સંભાળ
ઉંડા ઉંડા જલે તારી હોડી હંકાર!

ગાઈ લે ગીતડાં આનંદ આપતાં,
થાકને મટાડતાં ચિંતાને કાપતાં;
મીઠી કૈં કથા એમાં તારી સંભાર,
ઉંડા ઉંડા જલે તારી હોડી હંકાર!

દૂર છે કિનારો છતાં ધીરજને રાખજે,
બીક ને નિરાશા બધી ખંખેરી નાખજે;
શ્રધ્ધાનો કરી લેતાં આજે ટંકાર
ઉંડા ઉંડા જલે તારી હોડી હંકાર!

હોડી હંકાર, તારી હોડી હંકાર
ઉંડા ઉંડા જલે તારી હોડી હંકાર!